Monday, December 3, 2007

مين اللي قال للوطن......أفديك أنا بدمي


فاكر و لا نسيته؟

لو كنت نسيته هفكرك بيه

وطنك

اللي اتولدت واتربيت وعشت و كبرت فيه

وطنك اللي برغم كل مساوئك بيستحملك و بيحضنك

وطنك اللي مهما لفيت و رحت وجيت مش هتلاقي حضن أدفي من حضنه


ايه؟

افتكرت ولا لسه شوية ؟

أفكرك كمان؟


وطنك اللي حروفه لازم تتحفر بحروف من نور في قلبك

وطنك موده بيغمرك بيها

وطنك اللي صبر علي أذاك

وطنك رحمة بيك

وطنك اسمه


مصر


سمعت الكلمة دي قبل كده؟

و لاخلاص كنت نسيتها؟

وطنك دلوقتي محتاجلك تردله الجميل

هترده؟ ولا هتطلع "عيل"؟

وتجري علي بره و تقول أدور علي فرصة أحسن ؟

و الفرصة الأحسن دي هي " غسيل صحون "ولا "مسح البلاط "ولا "بيع جرايد" ؟

يابني لبهدلة في وطنك أفضل ألف مرة من البهدلة في الغربة

ع الاقل هتلاقي حضن تترمي فيه و تشتكيلهلما تضيق بيك الدنيا

وطنك محتاجلك وماتقولش و أنا بايدي ايه أعمله

دا احنا خير أجناد الأرض

و مش عارف تعمل حاجة؟


أنا عايزاك تنهض و تقوم من غفلتك دي علشان الوطن مش مستحمل أي حد نايم

الوطن خلاص زهق من نومهو نفسه يصحي

و ماحدش هيصحيه غيرك

وطنك

عايز ايد تبني

و ايد تهدم الظلم و الفساد

عايز ايد تترفع بالدعاء

وايد تترفع بالسلاح

لاي حد يحاول يمنعنا


أنا مش هقول غير كلمة واحدة


وطنك محتاجلك


7 comments:

أخـــ مسلمة ـــت said...

ألف مبروووووووك المدونة يا حبي

يارب تكون في ميزان حسناتك

البوست جميل جدا

أحلي حاجة انه بيخاطب الانسان بمنتهي البساطة

و لكنه يترك أثر عمييييييق في النفس

بمووووووووت فيكي في الله

ربنا يوفقك يا حياتي

أسامة مرسي said...

والله الله يعلم كم أحب هذا الوطن
أحبه بكل نفس يتردد في صدري
وبكل همسة في جوارحي
وبكل دقات القلب
اليه أنتمي
وبه أحتمي
اللهم إني أسهده على حبي وإخواني له
فهو حقا يستحق
وطني
العائلة
الاخوان
الأحبة
الأصدقاء
الصحبة
الزوجة
الحبيبة
هذه مفردات الوطن
ولهذا أحبه
وأتمنى أن يتطور ليقود
ويتسع ليسود
ويصير العالم الإسلامي وطني
اللهم إني أسألك أن أدفن في ترابه وأن أبعث يوم القيامة من أرضه
..........................
جزاكم الله خيرا
ومبروك المدونة
وأتمنى أن تتجه هذه المدونة في الاتجاه الصحيح وأن تقتبل القبلة الحق
والسلام عليكم

لؤلؤة said...

مبروك يا حبي علي المدونه
بوست رائع
بنحبها وهنفضل نحارب لحد ما نظفها ونطهرها من الفساد

Unknown said...

اختى الفاضلة هدى
مبرروك المدونة ومبروك اول بوست
واضح انك داخلة التدويين راكبة سوبرجيت

كلام جكميل وواضح انه من القلب

نحب ووطننا
مهما تعرضنا فيه للظلم
نحبه لان حب الوطن عبادة

كما تحب الام وليدها المعوق..
احبك حبيبتى بلادى
بالتوفيق

صانعة الحرية said...

السلام عليكم
مبروووووووووووووووك يا قمر على دخولك عالم التدوين
والبوست جميل ما شاء الله طالع من القلب فوصل لقلوبنا
جزاك الله خيرا
وفى انتظار المزيد

أنا مسلمة said...

أولا
ألف مبروك على المدونه ربنا يجعلها فى ميزان حسناتك

ثانيا
البوست جميل جدا
ومعانى محتاجين نتزكرها
مش إحنا بش اللى محتاجين لوطنا
هوه كمان محتاج لنا
محتاجلنا علشان ننهض بيه ونعمره
ربنا يكرمك ياهدى على التذكره

كرانيش said...

الف مبروك عالمدونه
ودخولك عالم التدوين على بلوجر
بالنسبه لموضوع الوطن
هو بصراحه الوطن بحالته دى ميتحبش بس على راى الدكتور احنا بنحبه زى ما الام بتحب ابنها المعوق

بس انا بختلف معاكى فى نقطه
بتقولى البهدله فى بلدك احسن مالبهدله براها

لا بقه
البهدله براها احسن بمراحل
اولا
هتبدل واخد مقابل البهدله فلوس اكتر من اللى عملته
اما هنا لما بنتبهدل.. بنتبهدل اكتر
ثانيا

هتبهدل ومحدش هيشوفنى ولا الناس تبقى نظرتها ليه نظره دونيه

ثالثا

الناس اللى بتبهدل مهما كانت بهدلتها بتبقى احن من بهدله ناسنا

انا مبشجعش البلد تهج مالبلد
بالعكس
بس انا عاوزه اعرض وجهه نظر الناس اللى بتسافر عشان مش لاقيه تاكل وفى الاخر يا عينى يقول عليهم المفتى طماعين
وهو اكبر طماع فيكى يا مصر

بصى

عظيمه يا مصر